Dərin venaların trombozu – venalarda qanın normal cərəyanına mane olan qan laxtalarının (trombların) yaranması ilə xarakterizə olunan patoloji vəziyyətdir.

Əsas şikayətlər:

• ödəmlər
• yerli hipertermiya
• qabarmış səthi venalar
• zədələnmiş ayaqda kəsici ağrılar
• zədələnmiş ətrafda dəri örtüklərinin göyərməsi
• palpasiyada trombun yarandığı vena boyunca artan ağrı

Dərin venaların trombozunun ən təhlükəli ağırlaşması ağciyərarteriyasının tromboemboliyası hesab olunur

Əgər böyük bir vena zədələnməmişdirsə, pasiyent müalicəsini evdə davam edə bilər.

Xəstəliyin erkən dönəmində qan durulaşdıran və laxta əritici dərman müalicəsi ilə birlikdə antiembolik corablar istifadə olunur. Ağciyər damarlarına emboliya riski daşıyan böyük venalardakı tromblarda endovaskular müalicə metodları da tətbiq ediləbilir.